ຂະແໜງດິຈິຕອນ ແລະຄວາມປອດໄພໄຊເບີ , ພະແນກເຕັກໂນໂລຊີ ແລະ ການສື່ສານ , ໄດ້ຈັດຝຶກອົບຮົມ ການນຳໄຊ້ລະບົບສື່ສານພາກລັດ G-Chat, ການຈັດເກັບ ແລະ ການແບ່ງປັນຂໍ້ມູນ G-Drive/G-Share , ການນໍາໃຊ້ Google Drive, Google From , ການສ້າງ QR Code , ການແປງຟາຍເອກະສານຈາກຟາຍ PDF , ຈາກຟາຍຮູບພາບເປັນຟາຍເວີດ Convert PDF/Photo to word , ການນຳໃຊ້ ໂປຼແກຼມ, ແອັບ Canva ໃນການສ້າງບົດນຳສະເໜີ ຫຼື Power Point , ການສ້າງໂພດສະເຕີ ; ການນໍາໃຊ້ ໂປຣແກຼມ,ແອັບ Capcut ໃຫ້ແກ່ພະນັກງານພາຍໃນພະແນກ ແລະ ເມືອງ ຂຶ້ນໃນຕອນເຊົ້າວັນທີ 11 ກັນຍາ 2024 ທີ່ຫ້ອງ ປະຊຸມທາງໄກພະແນກເຕັກໂນໂລຊີ ແລະ ການສື່ສານແຂວງຂຶ້ນ. ໂດຍໃຫ້ກຽດເປັນປະທານ ກ່າວເປີດ ຂອງ ທ່ານຂັນທອງ ຍິນດາວົງ ຫົວໜ້າພະແນກ ເຕັກໂນໂລຊີ ແລະການສື່ສານແຂວງ ຊຶ່ງມີຜູ້ເຂົ້າຮ່ວມຈາກຂະແໜງຈັດຕັ້ງບໍລິຫານ,ຈັດຕັ້ງ-ກວດກາ, ຂະແຫນງໄປສະນີ ແລະການສື່ສານ, ຂະແໜງເຕັກໂນໂລຊີ ນະວັດຕະກຳ,ຫ້ອງການ ເຕັກໂນໂລຊີ ແລະ ການສື່ສານ ເມືອງສາມັກຄີໄຊ, ເມືອງໄຊເສດຖາ ຈໍານວນ 11 ທ່ານ, ຍິງ 5 ທ່ານ.
ຈຸດປະສົງການຝຶກອົບຮົມຄັ້ງນີ້ເພື່ອສ້າງຄວາມເຂັ້ມແຂງໃຫ້ແກພະນັກງານໃນພະແນກ ແລະ ບັນດາຫ້ອງການ ເຕັກໂນໂລຊີ ແລະ ການສື່ສານໃນການນຳໃຊ້ລະບົບສື່ສານພາກລັດ G-Chat, G-Drive/G-Share ; ການນຳໃຊ້ Google Drive ໃນການຈັດເກັບຂໍ້ມູນ; Google From ໃນການແບບຟອມສອບຖາມ, ແບບຟອມປະເມີນຮູບແບບອອນລາຍ; ການແປງຟາຍເອກະສານຈາກຟາຍ PDF , ຈາກຟາຍຮູບພາບເປັນຟາຍເວີດ; ການສ້າງ QR Code ບັນດາເອກະສານ ,ຮູບພາບ, ການນໍາໃຊ້ ໂປຣແກຼມ, ແອັບ Canva ແລະ Capcut ເພື່ອນໍາໄປເຜີຍແຜ່ໃຫ້ແກ່ພະນັກງານໃນກົມກອງຂອງຕົນ ແລະ ບັນດາຫ້ອງການອ້ອມຂ້າງເມືອງ.
ການຝຶກອົບຮົມຄັ້ງນີ້ ໃຊ້ເວຝຶກອົບຮົມ 1 ວັນເຕັມ ແລະໄດ້ເປີດໂອກາດໃຫ້ຜູ້ເຂົ້າຮ່ວມຝຶກອົບຮົມແລກປ່ຽນຄຳຄິດຄຳເຫັນ ແລະ ຕອບແບບຟອມປະເມີນອອນລາຍການຈັດຝຶກອົບຮົມອີກດ້ວຍ.
ຕອນທ້າຍກອງປະຊຸມ ຄະນະຮັບຜິດຊອບຈັດຝຶກອົບຮົມ ໄດ້ລາຍງານຜົນການຈັດຝຶກອົບຮົມ ຕໍ່ປະທານກອງປະຊຸມ , ໃນຕອນທ້າຍກອງປະຊຸມ ທ່ານ ພູສະໄຫວ ດວງມະນີ ຮອງຫົວໜ້າພະແນກ ເຕັກໂນໂລຊີ ແລະ ການສື່ສານແຂວງ ໃຫ້ກຽດມີຄຳເຫັນຕໍ່ການຈັດຝຶກອົບຮົມຄັ້ງນີ້ ແລະ ກ່າວປິິດກອງປະຊຸມຢ່າງເປັນທາງການ.
ມາຮອດເວລາ 16:00 ກອງຈັດຝຶກອົບຮົມໄດ້ສຳເລັດລົງຢ່າງເປັນທາງການ;
