ສ້າງຄວາມເຂັ້ມແຂງໃນການນຳໃຊ້ບັນດາລະບົບໂປຣແກຼມເຂົ້າໃນການບໍລິຫານວຽກງານໃຫ້ມີຄວາມທັນສະໄໝ ເທື່ອລະກ້າວ.
18/11/2024
ໃນວັນທີ 13 ພະຈິກ 2024 ທີ່ຜ່ານມາ ທີ່ຫ້ອງປະຊຸມຫ້ອງວ່າການ ເມືອງໄຊເສດຖາ, ພະແນກເຕັກໂນໂລຊີ ແລະ ການສື່ສານແຂວງ ໄດ້ຮ່ວມກັບ ຫ້ອງການເມືອງ ຕສ ໄຊເສດຖາ ໄດ້ຈັດກອງປະຊຸມສຳມະນາ ຝຶກອົບຮົມ ການນຳໃຊ້ລະບົບສື່ສານພາກລັດ G-Chat ໃຫ້ບັນດາທ່ານຫົວໜ້າຫ້ອງການ, ອົງການຈັດຕັ້ງພັກ-ລັດ ທຽບເທົ່າ ອ້ອມຂ້າງເມືອງ ແລະ ສໍາມະນາ ຝຶກອົບຮົມ ການສະໝັກອີເມວ ບັນຊີ G-mail , ການສ້າງ ແລະ ນຳໃຊ້ QR-Code, ການສ້າງລິງຫ້ອງປະຊຸມທາງໄກ , ການສ້າງແບບຟອມສອບຖາມ ແລະ ແບບຟອມປະເມີນຮູບແບບອອນລາຍ ໃຫ້ແກ່ ພະນັກງານລັດຖະກອນ ຂັ້ນໜ່ວຍງານ ແລະ ວິຊາການ ອ້ອມຂ້າງເມືອງ ເພື່ອນຳໄປແນະນຳການສ້າງ , ການ ນຳໃຊ້ໃຫ້ແກ່ພະນັກງານໃນແຕ່ລະກົມກອງຂອງຕົນ ແລະ ນໍາໃຊ້ເຂົ້າໃນການບໍລິຫານວຽກງານໃຫ້ມີຄວາມທັນສະໄໝ, ວ່ອງໄວ ແລະ ປະຢັດ.
ກອງປະຊຸມໃຫ້ກຽດເປັນປະທານ ຂອງທ່ານ ພອນໄຊ, ໄກສອນເສນາ, ກໍາມະການພັກເມືອງ ຮອງເຈົ້າເມືອງໄຊເສດຖາ, ທ່ານ ຂັນທອງ ຍິ້ນດາວົງ ເລຂາຄະນະພັກຮາກຖານ ຫົວຫນ້າພະແນກເຕັກໂນໂລຊີ ແລະ ການສື່ສານແຂວງ ແລະ ທ່ານ ແກ້ວວິພາກອນ ສີຫາຈັກ, ຫົວຫນ້າຫ້ອງການເຕັກໂນໂລຊີ ແລະ ການສື່ສານ ເມືອງ . ໃນວາລະດຳເນີນກອງປິຊຸມ ທ່ານ ຂັນທອງ ຍິ້ນດາວົງ ຫົວຫນ້າພະແນກ ຕສຂ ກໍ່ໄດ້ມີຄຳເຫັນຕໍ່ກອງປະຊຸມ ທ່ານໄດ້ມີຄຳເຫັນບາງຕອນ ຄື: ປະຈຸບັນຄວາມກ້າວໜ໊າທາງດ້ານເຕັກໂນໂລຊີໄດ້ມີການພັດທະນາຢ່າງໄວວາ, ມີເຕັກໂນໂລຊີໄຫມ່ໆເກີດຂຶ້ນຫລາຍ , ປະຈຸບັນລັດໄດ້ວາງນະໂຍບາຍສາມເສົາຄໍາການຫັນເປັນທັນສະໄຫມ(ດິຈິຕອນ)ມີ : 1.) ການພັດທະນາລັດຖະບານດິຈິຕອນ ; 2.) ພັດທະນາ ເສດຖະກິດດິຈິຕອນ , 3.)ພັດທະນາ ສັງຄົມດິຈິຕອນ ເພື່ອພັດທະນາເສດຸກິດ-ສັງຄົມ ໃຫ້ຈະເລີນເຕີບໂຕຂຶ້ນເລື້ອຍ ແລະຖ່ວງທັນກັບພາກພື້ນ ແລະ ສາກົນ, ຜ່ານມາແຂວງອັດຕະປືພວກເຮົາກໍ່ໄດ້ເອົາໃຈໃສ່ ຫັນການບໍລິຫານ ບໍລິການພາກລັດເປັນທັນສະໄຫມ ດ້ວຍການບໍລິຫານ ບໍລິການ ວຽກງານດ້ວຍລິບົບເອເລັກໂຕນິກ ຫລືຮູບແບບດິຈິຕອນ ລວມທັງປະກອບອຸປະກອນຮັບໃຊ້ ເຊັ່ນລະບົບຫ້ອງປະຊຸມທາງໄກ ໃຫ້ພາກສ່ວນຕ່າງໆ ຊຶ່ງການຈັດຝຶກອົບຮົມໃນມື້ນີ້ກໍ່ແມ່ນສ່ວນໜຶ້ງເພື່ອສ້າງຄວາມເຂັ້ມແຂງໃຫ້ແກ່ພະນັກງານໃນການນຳໃຊ້ບັນດາໂປຣແກຮມຂອງລັດ ແລະ ໂແຣແກຮມຂອງຕ່າງປະເທດໃຫ້ມີຄວາມວ່ອງໄວ ແລະທັນສະໄຫມຂຶ້ນເທື່ອລະກ້າວ ເປັນການປຸກລະດົມໃຫ້ຂົງເຂດພາກລັດພ້ອມກັນເອົາໃຈໃສ່ຫັນການບໍລິຫານບໍລິການດ້ວຍລະບົບທັນສິໄຫມ ໃຫ້ກ້ວາງຂວາງ . ໃນໂອກາດ ດຽວກັນ ທ່ານ ພອນໄຊ ໄກສອນ ເສນາ ຮອງເຈົ້າ ເມືອງໄຊເສດຖາ ກໍ່ໄດ້ສະແດງຄວາມຂອບໃຈ ແລະ ຊົມເຊີຍ ທາງ
ພະແນກ ເຕັກໂນໂລຊີ ແລະ ການສື່ສານ ແລະ ຫ້ອງການ ຕສ ເມືອງ ຮ່ວມກັນຈັດກອງປະຊຸມສຳມະນາ ຝຶກອົບຮົມ ມາສູ່ເມືອງຂອງພວກເຮົາ, ທ່ານ ໄດ້ມີຄຳເຫັນໂອລົ ມ ແລະ ເນັ້ນໃຫ້ຜູ້ເຂົ້າຮ່ວມເອົາໃຈໃສ່ແລກປ່ຽນ ແລະ ນຳໄປເຜີຍແຜ່ ແລະພ້ອມກັນນຳໄປຄົ້ນຄ້ວາຕື່ມ ແລະ ນໍາໃຊ້ໃນກົມກອງຂອງຕົນໃຫ້ໄດ້ຮັບຫມາກຜົນ. ກອງປະຊຸມໃນມື້ນີ້ໄດສຳເລັດລົງໃນເວລາ 16:00 ຂອງວັນດຽວ ດ້ວຍຜົນສຳເລັດຕາມລະດັບຄາດໝາຍ ຜ່ານການນໍາໃຊ້ແບບຟອມປະເມີນຈາກຜູ້ເຂົ້າຮ່ວມມີຄວາມເຂົ້າໃຈ ແລະ ສາມາດຈະເອົາໄປເຜີຍແຜ່, ແນະນຳຕໍ່ໄດ້ໃຍລະດັບດີ.
ໂດຍ: ຂະແໜງດິຈິຕອນ ແລະ ຄວາມປອດໄພໄ.ຊເບີ,
