ໃນຕອນເຊົ້າຂອງວັນທີ6 ທັນວາ 2024 ພະແນກເຕັກໂນໂລຊີ ແລະ ການສື່ສານ ໄດ້ຈັດກອງປະຊຸມປະເມີນການຈັດຕັ້ງປະຕິບັດວຽກງານຂອງພະນັກງານຂັ້ນຫົວໜ້າ-ຮອງພະແນກ ໂດຍພາຍໄຕ້ການເປັນປະທານຂອງທ່ານ ທະນູໄຊ ບັນຊາລິດ ຄະນະປະຈໍາພັກແຂວງ, ຮອງເຈົ້າແຂວງ, ມີຄະນະພັກ, ຄະນະນໍາພະແນກ, ຫົວໜ້ອງ-ຮອງຂະແໜງ ແລະ ຄະນະປະເມີນຂັ້ນແຂວງເຂົ້າຮ່ວມ ຢ່າງພ້ອມພຽງ; ໃນກອງປະຊຸມໄດ້ຮັບຟັງ ການຜ່ານດໍາລັດຂອງລັດຖະບານເລກທີ 300/ລບ ຈາກປະທານກອງປະຊຸມ, ຜ່ານຄໍາແນະນໍາ 06/ພນ ຈາກຄະນະຮັບຜິດຊອບປະເມີນຊັ້ນແຂວງ ແລະ ຮັບຟັງການສະຫລຸບລາຍງານໂດຍຫຍໍ້ການນໍາພາ-ຊີ້ນໍາ ວຽກງານເຕັກໂນໂລຊີ ແລະ ການສື່ສານໃນໄລຍະ 1 ປີຜ່ານມາ. ນອກນັ້ນ ຫົວໜ້າ-ຮອງພະແນກ ໄດ້ຜັດປ່ຽນກັນຂຶ້ນຜ່ານບົດເກັບກ່ຽວແລະ ໃບປະເມີນຕົນເອງປະຈໍາປີ 2024 ພ້ອມທັງໄດ້ເປີດໂອກາດໃຫ້ບັນດາຫົວໜ້າ-ຮອງຂະແໜງ

ພາກສ່ວນກ່ຽວຂ້ອງ ໄດ້ປະກອບຄໍາຄິດ-ຄໍາເຫັນແລກປ່ຽນ ຍ້ອງຍໍຈຸດດີ, ຕໍານິຈຸດອ່ອນ ຊອກຫາວິທີການແກ້ໄຂ ເພື່ອກໍ່ສ້າງຊ່ວຍເຫຼືອເຊິງກັນ ແລະ ກັນ ຢ່າງກົງໄປກົງມາ ດ້ວຍບັນຢາກາດສາມັກຄີ, ຮັກແພງ, ຈິງໃຈ; ຕອນທ້າຍກອງປະຊຸມກໍ່ໄດ້ຮັບຟັງຄໍາເຫັນ ແລະ ທິດຊີ້ນໍາຈາກປະທານກອງປະຊຸມເຊິ່ງທ່ານກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ການນໍາພາ-ຊີ້ນໍາ ຂອງຄະນະພັກ-ຄະນະພະແນກ ແລະ ມີຄວາມເອກະພາຍສູງຕໍ່ບົດສະຫຼຸລາຍງານໃນໄລຍະຜ່ານມານັ້ນ ແລະ ເພື່ອປັບປຸງແກ້ໄຂບັນຫາຈຸດຄົງຄ້າງຖ່ວງດຶງການພັດທະນາດ້ານເຕັກໂນໂລຊີ ແລະ ການສື່ສານ ທີ່ເປັນວຽກບູລິມະສິດ, ປາຍແຫຼມ ທີ່ພັກ ແລະ ລັດຖະບານໄດ້ເອົາໃຈໃສ່ຍົກສູງເພື່ອຫັນການບໍລິການ, ການບໍລິຫານລັດເປັນທັນສະໄໝ ຫຼື ດິຈິຕອນ ໃຫ້ຖ່ວງທັນກັບພາກພຶ້ນ ແລະ ສາກົນ ໂດຍສະເພາະແຂວງອັດຕະປື ໃນຕໍ່ໜ້າຕ້ອງສຸມໃສ່ປະຕິບັດດັ່ງນີ: 1) ສືບຕໍ່ຍົກສູງການເຕົ້າໂຮມຄວາມສາມັກຄີພາຍໃນ-ພາຍນອກ, ສຶກສາອົບຮົມການເມືອງ-ແນວຄິດ ຂອງພະນັກງານ, ສະມາຊິດພັກພາຍໃນພະແນກ; 2) ຂຸ້ນຂ້ຽວເປີດກອງປະຊຸມຄັ້ງປະຖົມມະລຶກຄະນະຫັນເປັນດິຈິຕອນຂັ້ນແຂວງ ເພື່ອຄົ້ນຄວ້າປຶກສາຫາລືວາງທິດທາງແຜນການດໍາເນີນງານ ແລະ ເຜີຍແຜ່ສິດໜ້າທີ່ ແລະ ພາລະບົດບາດຂອງຄະນະດັ່ງກ່າວ ຄຽງຄູ່ກັບການປະຊຸມສພຫຼຸບການຈັດຕັ້ງປະຕິບັດວຽກງານຂອງ ຄຄອຂ ປະຈໍາປີ 2024 ແລະ ວາງທິດທາງແຜນການປີ 2025 ໃຫ້ສໍາເລັດ; 2) ສຸມໃສ່ການເກັບກໍາຂໍ້ມູນລາຍລະອຽດດ້ານຕ່າງໆ ເພື່ອຊຸກຍູ້ສົ່ງເສີມບັນດາຜູ້ປະກອບການການໂທລະຄົມມະນາຄົມໃຫ້ໄດ້ຂະຫຍາຍເຄືອຂ່າຍລົງສູ່ເຂດຈຸດສຸມ, ຫຼໍ່ແຫຼມ ທີ່ບໍ່ມີສັນຍານປົກຄຸມຢູ່ພາຍໃນແຂວງໃຫ້ບັນລຸ 100%; 3) ສືບຕໍ່ໃນການຄຸ້ມຄອງການນໍາໃຊ້ຄົ້ນຄວາມຖີ່ ວິທະຍຸສື່ສານໂຟນີ, ໂດຣນ ພາຍໃນແຂວງ ໂດຍການປະສານສົມທົບ

ພາກສ່ວນກ່ຽວຂ້ອງເພື່ອຊຸກຍູ້ຜູ້ປະກອບການອໍານວຍຄວາມສະດວກ ແລະ ເກັບກໍາ ຫຼື ສະໜອງຂໍ້ມູນ ການນໍາໃຊເພື່ອອອກອະນຸຍາດຕາມລະບຽບການ; 4) ຊຸກຍູ້, ສົ່ງເສີມບັນດາຫົວໜ່ວຍບໍ່ລິການດ້ານໄປສະນີ ຕ້ອງຍົກສູງປັບປຸງຄຸນນະພາບການບໍລິການໃຫ້ມີຄວາຍສະດວກ, ວ່ອງໄວ, ປອດໄພ ສ່ອງຄ່ອງກັບລະບຽບກົດໝາຍ ແລະ ຂະຫນາດການບໍລິການລົງສູ່ເຂດຕົວເມືອງນ້ອຍ ແລະ ເຂດຈັດສັນອຶ່ນໆຕາມເໝາະສົມ; 5) ຕິດຕາມກວດກາຄືນກ່ຽວກັບຜົນການຈັດຕັ້ງປະຕິບັດໂຄງການຄົ້ນຄວ້າ ເຕັກໂນໂລຊີສະໜອງນໍ້າຮັບໃຊ້ການຜະລິດກະສີກໍາຢູ່ເມືອງສະໜາມໄຊ ເພື່ອຊອກທາງອອກປ້ອງກັນບໍ່ໃຫ້ບັນດາອຸປະກອນເສຍຫາຍ ພ້ອມທັງເກັບກໍາຂໍ້ມູນການນໍາໃຊ້ເຕັກໂນໂລຊີ ແລະ ນະວັດຕະກໍາເຂົ້າໃນການຜະລິດຕ່າງໆພາຍໃນແຂວງເພື່ອຊຸກຍູ້ສົ່ງເສີມຕໍ່ຍອດ ໃຫ້ມີການນໍາໃຊ້ຢ່າງກວ້າງຂວາງ.