ສ້າງຄວາມເຂັ້ມແຂງໃນການນຳໃຊ້ບັນດາລະບົບໂປຣແກຼມເຂົ້າໃນການບໍລິຫານວຽກງານໃຫ້ມີຄວາມທັນສະໄໝ ເທື່ອລະກ້າວ.
30/12/2024
ໃນວັນທີ 27 ທັນວາ 2024 ທີ່ຜ່ານມາ ທີ່ຫ້ອງປະຊຸມຫ້ອງວ່າການເມືອງສາມັກຄີໄຊ,ພະແນກເຕັກໂນໂລຊີ ແລະ ການສື່ສານແຂວງ ໄດ້ຮ່ວມກັບ ຫ້ອງການເມືອງ ຕສ ສາມັກຄີໄຊໄດ້ຈັດກອງປະຊຸມສຳມະນາ ຝຶກອົບຮົມ ການນຳໃຊ້ລະບົບສື່ສານພາກລັດ G-Chat ໃຫ້ບັນດາທ່ານຫົວໜ້າຫ້ອງການ, ອົງການຈັດຕັ້ງພັກ-ລັດ ທຽບເທົ່າ ອ້ອມຂ້າງເມືອງ ແລະ ການສະໝັກອີເມວ ບັນຊີ G-mail , ການສ້າງ ແລະ ນຳໃຊ້ QR-Code, ເຜີຍແພ່ການນຳໃຊ້ສື່ສັງຄົມອອ່ນໄລ ແລະ ອິນເຕີເນັດໃຫ້ຖືກວິທີ,ໃຫ້ບັນດາ ອ້ອມຂ້າງເມືອງ ເພື່ອນຳໄປແນະນຳການສ້າງ ແລະ ນຳໃຊ້ໃຫ້ແກ່ພະນັກງານໃນແຕ່ລະກົມກອງຂອງຕົນ ແລະ ນໍາໃຊ້ເຂົ້າໃນການບໍລິຫານວຽກງານໃຫ້ມີຄວາມທັນສະໄໝ, ວ່ອງໄວ ແລະ ປະຢັດ.
ກອງປະຊຸມໃຫ້ກຽດເປັນປະທານ ຮ່ວມຂອງ ທ່ານ ພິທູນ ມະວົງສາ, ຄະນະປະຈຳພັກເມືອງ ຮອງເຈົ້າເມືອງສາມັກຄີໄຊ, ພ້ອມດ້ວຍວິທະຍາກອນ.ທ່ານ ພູສະໄຫວ ດວງມະນີ ,ຮອງຫົວຫນ້າພະແນກເຕັກໂນໂລຊີ ແລະ ການສື່ສານແຂວງ ແລະ ທ່ານ ອ໋ອງຄຳ ຄູນສະໄໝ ຮອງຫົວຫນ້າ ພະແນກ ຖວທ ແຂວງ ຕາມດ້ວຍທ່ານ ສຸລິຍັນ ດວງປັນຍາ ຮອງຫົວຫນ້າພະແນກຄະນະໂຄສະນາອົບຮົມແຂວງ,ກອງປະຊຸມໃນມື້ນີ້ໄດສຳເລັດລົງໃນເວລາ 12:00 ຂອງວັນດຽວ ດ້ວຍຜົນສຳເລັດຕາມລະດັບຄາດໝາຍ.
ໂດຍ: ຂະແໜງດິຈິຕອນ ແລະ ຄວາມປອດໄພໄຊເບີ,
