ວຽກງານຫັນເປັນດິຈິຕອນ ເປັນວຽກງານໜຶ່ງທີ່ສຳຄັນທີ່ສຸດ ຕາມທິດຫັນເປັນອຸດສະຫະກໍາ ແລະ ທັນສະໄໝ ຂອງພັກ; ໂດຍສະເພາະ, ຍຸກປະຈຸບັນທີ່ເຕັກໂນໂລຊີພັດທະນາໄວ, ຖືກນໍາໃຊ້ ແລະ ແຊກຊືມເຂົ້າໃນ ທຸກຂົງເຂດວຽກງານ ຢ່າງປະຕິເສດບໍ່ໄດ້ ກາຍເປັນປັດໃຈສຳຄັນ ໃຫ້ແກ່ການຂັບເຄື້ອນການພັດທະນາ ເສດຖະ ກິດ-ສັງຄົມ ທັງຍົກລະດັບຂີດຄວາມສາມາດ ໃນການແຂ່ງຂັນ ຂອງສປປ ລາວ ພວກເຮົາ; ສະນັ້ນ, ການຫັນເປັນ ດິຈິຕອນ ລັດຖະບານຈຶ່ງໄປທັງ 3 ເສົາຄໍ້າ ຄື: ລັດຖະບານດິຈິຕອນ, ເສດຖະກິດດິຈິຕອນ ແລະ ສັງຄົມດິຈິຈອນ;

1. ລັດຖະບານດີຈີຕອນ: ແມ່ນການນໍາໃຊ້ ເຕັກໂນໂລຊີດິຈິຕອນ ເຂົ້າໃນການບໍລິຫານ ແລະ ບໍລິການລັດ ເພື່ອເພີ່ມປະສິດທິພາບ ຂອງການບໍລິຫານ ແລະ ບໍລິການລັດ ໃຫ້ແກ່ພາກລັດ, ພາກທຸລະກິດ ແລະ ປະຊາ ຊົນ ໃຫ້ມີຄວາມສະດວກ, ທັນສະໄໝ, ວ່ອງໄວ, ໂປ່ງໃສ ແລະ ຮັບປະກັນຄວາມປອດໄພ.

2. ເສດຖະກິດດີຈີຕອນ: ແມ່ນເສດຖະກິດຮູບແບບໃໝ່ ບົນພື້ນຖານການນໍາໃຊ້ເຕັກໂນໂລຊີດີຈີຕອນ ເປັນເຄື່ອງມືໃນການຂັບເຄື່ອນ, ເພີ່ມປະສິດທິພາບ ແລະປະສິດທິຜົນ ຂອງວຽກງານທັງພາກລັດ ແລະ ເອກະຊົນ, ສ້າງມູນຄ່າເພີ່ມ ໃຫ້ແກ່ການຜະລິດ, ການຄ້າ ແລະ ການບໍລິການ ເພື່ອຍົກລະດັບຊີວິດການເປັນຢູ່ ຂອງປະ ຊາຊົນໃຫ້ດີຂຶ້ນ.

3. ສັງຄົມດີຈີຕອນ: ແມ່ນສັງຄົມຮູບແບບໃໝ່ ທີ່ມີການປະສົມປະສານເຕັກໂນໂລຊີດີຈີຕອນ ແລະ ນະວັດຕະກໍາເຂົ້າ ໃນທຸກດ້ານ ຂອງການດໍາລົງຊີວິດ ບົນພື້ນຖານສັງຄົມມະນຸດ ເຂົ້າເຖິງການເຊື່ອມຕໍ່, ສາມາດພົວ ພັນກັນ ແລະ ມີການພັດທະນາທັກສະດ້ານດິຈິຕອນ ໃຫ້ສາມາດນໍາໃຊ້ບັນດາບໍລິການທາງດ້ານດິຈິຕອນໄດ້.

ເພື່ອເຮັດໃຫ້ວຽກງານຫັນເປັນດີຈີຕອນ ປະກົດຜົນເປັນຈິງ ລັດຖະບານໄດ້ວາງວິໄສທັດການພັດທະເສດຖະກິດດິຈິຕອນ ໄລຍະ 20 ປີ ແຕ່ 2021-2040, ຍຸດທະສາດ 10 ປີ ແຕ່ 2021-2030) ແລະ ແຜນພັດ ທະນາ 5 ປີແຕ່ 2021-2025,

ໃນວາລະດຳເນີນກອງປະຊຸມທ່ານ ພູສະໄຫວ ດວງມະນີ ຮອງຫົວໜ້າພະແນກເຕັກໂນໂລຊີ ແລະ ການສື່ສານ, ຫົວໜ້າກອງເລຂາ ຄະນະກຳມະການຫັນເປັນດີຈີຕອນຂອງແຂວງອັດຕະປື ໄດ້ຜ່ານຂໍ້ຕົກລົງເຈົ້າແຂວງ ເລກທີ 961/ຈຂອປ, ລົງວັນທີ 5 ກໍລະກົດ 2024 ວ່າດ້ວຍການແຕ່ງຕັ້ງ ຄະນະກຳມະການຄຸ້ມຄອງການຫັນເປັນດີຈີຕອນຂັ້ນແຂວງ, ຂໍ້ຕົກລົງເຈົ້າແຂວງ ເລກທີ 162/ຈຂອປ, ລົງວັນທີ5 ກໍລະກົດ 2024 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະກໍາມະການຫັນເປັນດິຈິຕອນຂອງແຂວງອັດຕະປື, ພ້ອມທັງລາຍງານກ່ຽວກັບການຈັດຕັ້ງວຽກງານຫັນເປັນດີຈີຕອນໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ ປີ 2025 ຊຶ່ງໄລຍະຜ່ານມາ ທາງພະແນກເຕັກໂນໂລຊີແລະການສື່ສານ, ບັນດາພະແນກການ, ອົງການຈັດຕັ້ງພັກ-ລັດ/ອອ້ອມຂ້າງແຂວງກໍ່ໄດ້ເອົາໃຈໃສ່ການຈັດຕັ້ງປະຕິບັດຕາມທິດນຳຂອງສູນກາງແລະ ແຂວງ ໃນການຫັນການບໍລິຫານບໍລິການພາກລັດດ້ວຍລະບົບທັນສະໄໝເທື່ອລະກ້າວ, ເພື່ອປະຢັດເວລາ, ປະຢັດງົບປະມານໃນການໃຊ້ຈ່າຍ ແລະ ຖ່ວງທັນກັບສະພາບການປ່ຽນແປງທາງດ້ານເສດຖະກິດ-ສັງຄົມ, ພາກພື້ນ , ສາກົນ, ປະເທດເພື່ອນມິດຍຸດທະສາດ , ສູນກາງ ແລະ ບັນດາແຂວງຕ່າງ ດ້ວຍການຊຸກຍູ້ ສົ່ງເສີມພາກລັດຫັນການຫັນການບໍລິຫານ,ບໍລິການ ດ້ວຍລະບົບທັນສະໄໝ