#ສ້າງຄວາມເຂັ້ມແຂງໃນການນຳໃຊ້ຂໍ້ມູນຂ່າວສານເທິງອິນເຕີເນັດໃຫ້ມີຄວາມປອດໄພ.
09/01/2025
ໃນວັນທີ 9ມັງກອນ 2025 ທີ່ຜ່ານມາ ທີ່ຫ້ອງປະຊຸມຫ້ອງວ່າການເມືອງສະໜາມໄຊ,ພະແນກເຕັກໂນໂລຊີ ແລະ ການສື່ສານ,ຫ້ອງການປະຈຳການກອງເລຂາຄະນະກຳມະການຄຸ້ມຄອງອິນເຕີເນັດຂັ້ນແຂວງໄດ້ຮ່ວມກັບ ຫ້ອງການເມືອງ ຕສ ສະໜາມໄຊໄດ້ຈັດກອງປະຊຸມສຳມະນາ ການນຳໃຊ້ຂໍ້ມູນຂ່າວສານເທິງອິນເຕີເນັດ ຫລື ການນຳໃຊ້ສື່ສັງຄົມອອນລາຍໃຫ້ມີຄວາມປອດໄພ ໃຫ້ບັນດາທ່ານຫົວໜ້າຫ້ອງການ, ອົງການຈັດຕັ້ງພັກ-ລັດ,/ທຽບເທົ່າ,ໃຫ້ບັນດາ ອ້ອມຂ້າງເມືອງ ເພື່ອນຳໄປເຜີຍແຜ່ໃຫ້ພະນັກງານໃນກົມກອງຂອງຕົນນຳໃຊ້ໃຫ້ແກ່ພະນັກງານໃນແຕ່ລະກົມກອງຂອງຕົນໃຫ້ມີຄວາມປອດໄພ
ກອງປະຊຸມດັ່ງກ່າວໃຫ້ກຽດເປັນປະທານ ຂອງ ທ່ານ ສົມໄຊ ສຸລິຍະວົງ, ຄະນະປະຈຳພັກເມືອງ, ຮອງເຈົ້າເມືອງ ແລະ ທ່ານ ຂັນທອງ ຍີ້ນດາວົງ ເລຂາໜ່ວຍພັກຮາກຖານ ຫົວໜ້າພະແນກ ເຕັກໂນໂລຊີ ແລະ ການສື່ສານແຂວງ.
ໃນກອງປະຊຸມ ວິທະຍາກອນ ພ້ອມດ້ວຍວິທະຍາກອນ ຈາກ ຄະນະກຳມະການຄຸ້ມຄອງອິນເຕີເນັດຂັ້ນແຂວງ ແລະ ພະແນກ ຕສຂ ໄດ້ຜັດປ່ຽນກັນຂຶ້ນນຳສະເຫນີ ໂດຍມີທ່ານ ທ່ານ ພູສະໄຫວ ດວງມະນີ ,ຮອງຫົວຫນ້າພະແນກເຕັກໂນໂລຊີ ແລະ ການສື່ສານແຂວງ , ທ່ານ ອ໋ອງຄຳ ຄູນສະໄໝ ຮອງຫົວຫນ້າ ພະແນກ ຖວທ ແຂວງ ແລະ ທ່ານ ສຸລິຍັນ ດວງປັນຍາ ຮອງຫົວຫນ້າພະແນກຄະນະໂຄສະນາອົບຮົມແຂວງ, ພ້ອມດ້ວຍຄະນະຈັດຕັ້ງພິທີນຳສະເນີໂດຍ, ນາງ ສຸກອາໄນ ກິດຕິຍາລາດ, ຮອງຫົວຫນ້າຂະແໜງຂະແໜງດິຈິຕ໋ອນ ແລະ ຄວາມປອດໄພໄຊເບີ,ຜູ້ຊ່ວຍທາງດ້ານເຕັກນິກຈາກ ຂະແຫນງດິຈິຕອນ ແລະ ຄວາມປອດໄພໄຊເບີ ພຕສຂ,ກອງປະຊຸມໃນມື້ນີ້ໄດສຳເລັດລົງໃນເວລາ 12:00 ຂອງວັນດຽວ ດ້ວຍຜົນສຳເລັດຕາມລະດັບຄາດໝາຍ.
ໂດຍ: ຂະແໜງດິຈິຕອນ ແລະ ຄວາມປອດໄພໄຊເບີ
