ໃນກອງປະຊຸມ ສະຫາຍ ຂັນທອງ ຍີ້ນດາວົງ ເລຂາ ຄະນະພັກຮາກຖານ ຫົວໜ້າ ພະແນກ ໄດ້ຜ່ານຮ່າງບົດລາຍງານການເມືອງ ແລະ ທິດທາງແຜນການຂອງຄະນະພັກຮາກຖານ 5 ປີຕໍ່ໜ້າ ແລະ ສະຫາຍໃນຄະນະພັກຮາກຖານກໍ່ໄດ້ຜັດປ່ຽນກັນຂຶ້ນຜ່ານຮ່າງບົດສະຫຼຸບແຜນພັດທະນາເສດຖະກິດສັງຄົມ 5 ປີ ແລະ ແຜນພັດທະນາເສດຖະກິດສັງຄົມ 5 ປີຕໍ່ໜ້າ, ຜ່ານຮ່າງບົດສໍາຫຼວດການນໍາພາລວມຂອງຄະນະພັກ ແລະ ຄະນະຮັບຜິດຊອບຂັ້ນແຂວງກໍ່ໄດ້ຜ່ານມະຕິຂອງກົມການເມືອງສູນກາງພັກ ສະບັບເລກທີ 030/ກມສພ ວ່າດ້ວຍມາດຕະຖານຂອງຜູ້ທີ່ຈະອອກສະໝັກ ເຂົ້າໃນຄະນະພັກຮາກຖານຊຸດໃໝ່.

ໃນໂອກາດດັ່ງກ່າວ ສະຫາຍ ທະນູໄຊ ບັນຊາລິດ ຄະນະປະຈຳພັກ, ຮອງເຈົ້າແຂວງ ໄດ້ມີຄຳເຫັນຊີ້ນຳ ເພື່ອໃຫ້ຜູ້ເຂົ້າຮ່ວມຮັບຮູ້ເຂົ້າໃຈ ໃນການຄັດເລືອກບຸກຄະລາກອນເຂົ້າໃນໂຄງປະກອບຂອງຄະນະພັກຮາກຖານ ເພື່ອຮັບປະກັນໃດ້ຄວາມຖືກຕ້ອງ, ສອດຄ່ອງຕາມມາດຖານເງື່ອນໄຂ ທີ່ໄດ້ກຳນົດໄວ້ ຕາມແຜນກຳນົດພະນັກງານນຳພາ-ຄຸ້ມຄອງ ໃຫ້ມີລັກສະນະຜູ້ເກົ່າ, ຜູ້ໃໝ່, ຜູ້ອາວຸໂສ, ຮຸ່ນໜຸ່ມ, ເພດ ແລະ ຊົນເຜົ່າ ຄັດເອົາບຸກຄະລາກອນທີ່ມີຄວາມຮູ້, ຄວາມສາມາດ, ມີຄຸນສົມບັດ, ສິນທຳປະຕິວັດ ເຂົ້າໃນໂຄງປະກອບຄະນະພັກຮາກຖານ ພຕສ.ຈາກນັ້ນ ບັນດາຜູ້ແທນກອງປະຊຸມ ກໍ່ໄດ້ໃຊ້ສິດປະຊາທິປະໄຕຂອງຕົນ ດຳເນີນການປ່ອນບັດ.